نہیں سنتا ہی نہیں مانگنے والا تیرا
میں تو مالک ہی کہوں گا کہ ہو مالک کے حبیب
یعنی محبوب و محب میں نہیں میرا تیرا
تیرے قدموں میں جو ہیں غیر کا منہ کیا دیکھیں
کون نظروں پہ چڑھے دیکھ کے تلوا تیرا
تیرے ٹکڑوں پہ پلے غیر کی ٹھوکر پہ نہ ڈال
جھڑکیاں کھائیں کہاں چھوڑ کہ صدقہ تیرا
ایک میں کیا میرے عصیاں کی حقیقت کیسی
مجھ سے سو لاکھ کو کافی ہے اشارہ تیرا
فرش والے تیری شوکت کا علو کیا دیکھیں
خسروا عرش پہ اڑتا ہے پھریرا تیرا
1 comment:
i used these lines in Naat shareef in my school and masjid.
Dear cousin
i am sohaib as you know as soni
Post a Comment